Hindistanda məktəbin damının uçması nəticəsində ölənlərin sayı 7 nəfərə çatıb

1xeber.media xəbər verir ki, Hindistanın Racastan ştatında məktəb damının uçması nəticəsində ölənlərin sayı 7 nəfərə çatıb, 27 nəfər yaralanıb, NDTV cümə günü, iyulun 25-də bildirib.

Nəşrin əldə etdiyi məlumata görə, dağıntılar altında qalan bütün uşaqlar xilas edilib.

"Bina uçan kimi kənddə xaos yaranıb. Xilasetmə əməliyyatına yerli sakinlər, müəllimlər və rəhbərliyin köməkliyi ilə başlanılıb", - telekanal əlavə edib.