İsrail Misirə 35 milyard dollara 130 milyard kubmetr qaz tədarük edəcək

İsrail Misirlə müqavilə imzalayıb və bu müqaviləyə əsasən Ərəb Respublikasına 35 milyard dollar dəyərində 130 milyard kubmetr təbii qaz veriləcək.

1xeber.media xəbər verir ki, bu barədə avqustun 7-də İsrail baş nazirinin ofisinin müşaviri Dmitri Gendelman məlumat verib.

O qeyd edib ki, bu saziş İsrail tarixində ən böyük ixrac sənədidir. Buna əsasən, NewMed Energy şirkəti 2040-cı ilə qədər İsrailin Leviafan yatağından Misirə müəyyən həcmdə qaz ixrac etməlidir.

“Çatdırılmalar iki mərhələdə həyata keçiriləcək: birinci mərhələdə, bu ildən başlayaraq, təqribən 20 milyard kubmetr; ikinci mərhələdə, Leviathan platformasının genişləndirilməsi başa çatdıqdan sonra, daha 110 milyard kubmetr tədarük ediləcək”, - Gendelman Telegram kanalında qeyd edib.