Zelenski Ukrayna və Moldovanın Avropa İttifaqına doğru hərəkət etdiyini açıqlayıb

Ukrayna prezidenti Vladimir Zelenski deyib ki, Ukrayna və Moldova birlikdə Avropa İttifaqına doğru getməlidir, süni fasilələr yalnız Avropaya zərər verəcək.

1xeber.media xəbər verir ki, bu barədə RBC-Ukrayna məlumat yayıb.

Siyasətçinin sözlərinə görə, Ukrayna Avropa İttifaqına daxil olmaq üzrə danışıqlarda ilk klasterin açılması üçün hər şeyi edib. Onun fikrincə, süni fasilələr və parçalanmalar Avropaya ancaq ziyan vuracaq.

"Ukrayna Moldova ilə birlikdə danışıqlar prosesində irəliləməlidir", - Zelenski hesab edir.

Bundan əvvəl Zelenski Macarıstanın baş naziri Viktor Orbanı ölkənin Aİ-yə daxil olmasının mümkünsüzlüyü ilə bağlı sözlərinə görə tənqid edib. O qeyd edib ki, sorğulara əsasən, “70 faiz Ukraynanın Aİ-yə qoşulmasının tərəfdarıdır”.