Rusiyada barıt zavodu partladı: 5 ölü, 100 yaralı

Rusiyanın Ryazan vilayətinin Şilovski rayonundakı “Elastik” barıt istehsalı zavodunda yanğın və partlayış baş verib.

1xeber.media xəbər verir ki, bu barədə Rusiya mətbuatı məlumat yayıb.

Məlumata görə, partlayış nəticəsində 5 nəfər ölüb, 74 nəfər isə yaralanıb. Dağıntılar altında hələ də insanların qaldığı bildirilir.

100-ə yaxın işçi təxliyə olunub.

Partlayışın səbəbi barıt istehsal olunan sexdə təhlükəsizlik qaydalarının pozulması göstərilib.

***

Rusiyanın Ryazan vilayətinin Şilovo rayonunda yerləşən “Elastik” zavodunda baş verən partlayış nəticəsində yaralananların sayı 100 nəfəri keçib.

Bu barədə Rusiyanın Fövqəladə Hallar Nazirliyi məlumat yayıb.

***

Rusiya Fövqəladə Hallar Nazirliyi baş verən yanğının nəticələrini aradan qaldırmaq üçün 100 nəfərdən ibarət iki briqadanı əraziyə göndərib.