Aİ səfirlərinin fövqəladə toplantısının təfərrüatları məlum olub

Aİ-yə üzv olan bütün ölkələrin səfirləri Ukrayna ətrafında vəziyyətlə bağlı icmanın növbəti addımlarını müzakirə etmək üçün Rusiya-Amerika sammitindən sonra təcili iclas keçirəcəklər.

1xeber.media xəbər verir ki, bu barədə “Politico” mənbələrə istinadən məlumat yayıb.

"Şənbə günü səhər, avqustun 16-da, növbəti addımları müzakirə etmək üçün Aİ-nin bütün 27 ölkəsinin səfirlərinin fövqəladə iclası çağırıldı. Mümkün məlumat sızması riskini azaltmaq üçün səfirlərdən "məhdud formatda", köməkçilər və telefonlar olmadan görüşmələri istənilib", - jurnal adı açıqlanmayan iki avropalı diplomata istinadən yazır.

Daha əvvəl TASS mənbələrə istinadən xəbər vermişdi ki, Aİ səfirləri Rusiya prezidenti Vladimir Putinlə amerikalı həmkarı Donald Tramp arasında Alyaskada keçirilən görüşdən sonra fövqəladə iclasa toplaşıblar.

O da məlum olub ki, Avropa liderləri Rusiya prezidenti ilə görüşdən sonra Amerika liderinin zəngini gözləməklə yuxusuz gecə keçiriblər.