Britaniya Ukraynaya silah-sursat üçün böyük məbləğdə vəsait ayıracaq

Böyük Britaniya, sonradan Ukraynaya təhvil verilməsi üçün Amerika silahlarının alınmasına on milyard funt sterlinqdən (13,5 milyard dollar) çox vəsait ayıra bilər.

1xeber.media xəbər verir ki, bunu Böyük Britaniyanın Özbəkistandakı keçmiş səfiri Kreyq Mürrey X sosial şəbəkəsindəki səhifəsində Britaniya Xarici İşlər Nazirliyindəki mənbəyə istinadən yazıb.

“Təklif olunan sazişə əsasən, Böyük Britaniya ABŞ-dan Ukrayna üçün 100 milyard dollar dəyərində silah alınması üçün Aİ-yə on milyard funt-sterlinqdən çox vəsait ayıracaq”, - hesabatda deyilir.

Bundan əvvəl Britaniyanın “Financial Times” qəzeti yazıb ki, Ukrayna Vaşinqtondan təhlükəsizlik zəmanəti almaq üçün ABŞ-dan 100 milyard dollara silah almağa söz verib. ABŞ-ın həmçinin Ukrayna şirkətləri ilə birgə pilotsuz təyyarələrin istehsalına dair 50 milyard dollarlıq müqavilə bağlayacağı iddia edilirdi.