Qərbin Ukraynaya verdiyi təhlükəsizlik zəmanəti Rusiyaya qarşı yönəlib - Zaxarova

Qərb ölkələrinin Ukraynaya təhlükəsizlik zəmanəti vermək cəhdləri Rusiyaya qarşı yönəlib və sabitliyin pozulmasına gətirib çıxaracaq.

1xeber.media xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.

“Müstəmləkəçilik təfəkkürünə əsaslansaq, Avropanın danışdığı sözdə təhlükəsizlik zəmanətləri, şübhəsiz ki, belə deyil, çünki onlar strateji sabitliyin pozulmasına gətirib çıxarır”, - diplomat bildirib.

Zaxarovanın sözlərinə görə, “kollektiv Qərbin təklif etdiyi variantlar birtərəflidir” və Rusiyanı cilovlamaq məqsədi daşıyır.

Bundan əvvəl Avropa Komissiyasının rəhbəri Ursula fon der Leyen Qərb ölkələrini Ukraynanı “polad kirpi”yə çevirəcək təhlükəsizlik zəmanəti verməyə çağırmışdı.