Azərbaycanda AÖS vasitəsilə aparılan əməliyyatların sayı 12 dəfəyə yaxın artıb

Bu ilin iyul ayında Azərbaycanda Ani Ödənişlər Sistemi (AÖS) vasitəsilə aparılan əməliyyatların həcmi 243,4 milyon manat, sayı isə 766,5 min ədədə bərabər olub.

1xeber.media xəbər verir ki,  bu barədə Trend Mərkəzi Bankdan məlumat əldə edib.

2024-cü ilin eyni ayı ilə müqayisədə AÖS vasitəsilə aparılan əməliyyatların həcmində 145,3 milyon manat və ya 2,5 dəfə, sayında isə 701,4 min vahid və ya 11,8 dəfə artım qeydə alınıb.

Hesabat dövründə AÖS vasitəsilə aparılan əməliyyatlar üzrə bir ödənişin məbləği 0,3 min manat təşkil edib.

Qeyd edək ki, 2024-cü ilin iyul ayında ölkədə AÖS vasitəsilə aparılan əməliyyatların həcmi 98,1 milyon manat, sayı isə 65,1 min ədədə bərabər olub.