Zelenskinin bəyanatlarından əsas məqamlar...

Ukrayna prezidenti Vladimir Zelenski cümə günü keçirdiyi brifinqdə Rusiya ilə danışıqların perspektivləri və Ukrayna üçün təhlükəsizlik zəmanətləri barədə danışıb.

1xeber.media xəbər verir ki, onun çıxışının əsas məqamlarını təqdim edirik:

Rusiya müharibəni bitirmək istəmir. "Ruslar görüşdən yayınmaq üçün hər şeyi edəcək. Fikrimcə, onlar artıq öz məqsədlərinə nail olublar. Çünki onların ABŞ-la görüşü olub", - Ukrayna prezidenti bildirib. Vladimir Zelenski ABŞ-dan Rusiyaya qarşı güclü addımlar gözlədiyini qeyd edib və Trampın danışıqlara başlamaq üçün Moskvaya verdiyi iki həftənin gələn bazar ertəsi başa çatdığını xatırladıb.
Ukrayna əsas Avropa ölkələrindən və ABŞ-dan qanuni qüvvəyə malik təhlükəsizlik zəmanəti istəyir. "Biz nə istəyirik? Avropanın əsas ölkələrindən və ABŞ-dan alınan bu təhlükəsizlik zəmanətlərinin parlamentlər və Konqres tərəfindən dəstəklənməsini. Bəli, biz qanuni qüvvəyə malik təhlükəsizlik təminatları istəyirik, ikinci Budapeşt Memorandumunu, Minsk razılaşmalarını istəmirik. Biz ciddi sənəd istəyirik", - Zelenski bildirib.
Ukraynanın təhlükəsizliyinin əsas təminatları ordu, NATO-nun köməyi və Rusiyaya qarşı sanksiyalardır
Cəbhədə ən ciddi vəziyyət Pokrovski istiqamətində inkişaf edib. Zelenskinin sözlərinə görə, orada 100 minə qədər rus əsgəri toplanıb