Xuraman Muradova Türk Dünyası Qadın Şairlər Birliyinin prezidenti seçildi

Türk Dünyası Qadın Şairlər Birliyi yaradıldı!

1xeber.media  xəbər verir ki,Türk Dünyası Qadın Şairlər Birliyi Türk dünyasının müxtəlif ölkələrindən olan qadın şairlərin iştirakı ilə könüllülük əsasında yaradılıb.

Birliyin prezidenti Azərbaycanı təmsil edən şair, yazıçı, icma könüllüsü,Əlişir Nəvai adına Daşkənd Dövlət Universitetinin fəxri professoru, Özbəkistan Respublikası Beynəlxalq Ədəbiyyat, Sənət, İctimai Fənlər Akademiyasının fəxri akademiki, Türk Dünyası Araşdırmaları Beynəlxalq Elmlər Akademiyasının fəxri professoru, Türk dünyası “Onur” və “Altın yıldız” medallı, "Humay" Milli Mükafatı laureatı,  Qırğızıstan Respublikası  “Çingiz Aytmatov" adına medal sahibi, Qırğızıstan Təhsil Nazirliyinin "Altın qələm" mükafatı laureatı, "Vektor" Beynəlxalq Elmlər Akademiyasının fəxri professoru, Azərbaycan Yazıçılar Birliyinin üzvü, Türkiyə Yazarlar Birliyinin üzvü, Özbəkistan Yazıçılar İttifaqının fəxri üzvü, VİP Milan hospitalın sahibi  Xuraman Muradova seçilib.

Türkiyəli İnci Okumuş və Şimali Makedoniyadan Leyla Şerif Emin vitse-prezident vəzifəsində çalışacaq.
 

Özbəkistandan və digər türk dövlətlərindən də vitse-prezidentlər təyin olunacağı bildirilir.

Birliyin əsas məqsədi Türk Dünyası qadın şairlərinin yaradıcılığını təbliğ etmək, ədəbi-mədəni körpülər qurmaq, gənc şairlərə dəstək olmaq, şeir vasitəsilə Türk Dünyasında birlik və həmrəyliyi gücləndirməkdir.