Вернуться назад Распечатать

ABŞ Dövlət Departamenti Azərbaycan və Ermənistanla imzalanmış sənədləri dərc edib

Azərbaycan və Ermənistan arasında imzalanmış sənədlər, eləcə də ABŞ prezidenti Donald Trampın avqustun 8-də Azərbaycan Prezidenti İlham Əliyev və Ermənistanın Baş naziri Nikol Paşinyanla birgə görüşünün yekun sənədi Dövlət Departamentinin saytında dərc olunub.

1xeber.media xəbər verir ki, dərc olunan sənədlər arasında Azərbaycan və Ermənistan liderlərinin Vaşinqton görüşünün nəticələrinə dair müştərək bəyannamə, Amerika Birləşmiş Ştatları və Azərbaycan Respublikası arasında Strateji Tərəfdaşlıq haqqında Xartiyanın hazırlanması üçün Strateji İşçi Qrupun yaradılması ilə bağlı Amerika Birləşmiş Ştatları Hökuməti və Azərbaycan Respublikası Hökuməti arasında Anlaşma Memorandumu, ABŞ Hökuməti ilə Ermənistan Respublikası Hökuməti arasında Enerji Təhlükəsizliyi Tərəfdaşlığına dair Anlaşma Memorandumu, ABŞ Hökuməti ilə Ermənistan Respublikası Hökuməti arasında Süni İntellekt və Yarımkeçirici İnnovasiya Tərəfdaşlığına dair Anlaşma Memorandumu və ABŞ Hökuməti ilə Ermənistan Respublikası Hökuməti arasında Sülh Qovşağı üzrə Potensialın Gücləndirilməsi Tərəfdaşlığına dair Anlaşma Memorandumu var.