İsveçrə prezidenti Ukrayna danışıqlarına ev sahibliyi etməyə hazır olduğunu bildirib

İsveçrə lazım gələrsə, Ukrayna münaqişəsinin həlli ilə bağlı danışıqlara ev sahibliyi etməyə hazırdır.

1xeber.media xəbər verir ki, bunu sentyabrın 2-də İsveçrə prezidenti Karin Keller-Sutter Berlində Almaniya kansleri Fridrix Merzlə birgə mətbuat konfransı zamanı deyib.

“İsveçrə Ukrayna münaqişəsinin sülh yolu ilə həlli axtarışlarını dəstəkləməyə, o cümlədən danışıqlara ev sahibliyi etməyə və öz təcrübəsini bölüşməyə hazırdır”, - deyə Tages-Anzeiger qəzeti onun sözlərini sitat gətirir.

O, həmçinin qeyd edib ki, danışıqlar baş tutsa, İsveçrə “Cenevrədə müvafiq danışıqları hazırlaya və apara bilər”.