Polşa Belarusla sərhədin açılması üçün şərtləri açıqlayıb

Polşa qonşu dövlətdən öz vətəndaşlarına təhlükə olmadığına əmin olduqdan sonra Belarusla sərhədi açacaq.

1xeber.media xəbər verir ki, bu barədə Polşa Daxili İşlər Nazirliyinin rəhbəri Marçin Kervinski X sosial şəbəkəsindəki səhifəsində məlumat verib.

O, Polşanın baş naziri Donald Tuskun bəyanatına uyğun olaraq Belarusla sərhəd-keçid məntəqələrinin tamamilə bağlanması barədə sərəncam verdiyini vurğulayıb.

Keçidlər yalnız o zaman açılacaq ki, biz Polşa vətəndaşları üçün heç bir təhlükə olmadığına 100 faiz əminik”, - Polşa Daxili İşlər Nazirliyinin rəhbəri bildirib.

Sərhədin sentyabrın 11-dən 12-nə keçən gecə bağlı olacağı dəqiqləşir.

Daha əvvəl Tusk Belarusla sərhədin bağlanması qərarının Belarus və Rusiyanın “Qərb-2025” birgə hərbi təlimləri ilə əlaqədar qəbul edildiyini bildirib. Dəmir yolu üzərindəki sərhəd-keçid məntəqəsi də bağlanacaq.