Lavrov Rusiyanın İran və Fars körfəzi ölkələri arasında münasibətlərdə kömək etməyə hazır olduğunu bildirib

Rusiya İran və Körfəz ölkələri arasında münasibətlərin normallaşdırılması üçün səyləri dəstəkləməyə davam etməyə hazırdır.

1xeber.media xəbər verir ki, bunu sentyabrın 11-də Rusiya-Körfəz Əməkdaşlıq Şurasının strateji dialoq iclasının yekunları üzrə Rusiyanın xarici işlər naziri Sergey Lavrov deyib.
Rusiya XİN rəhbərinin qeyd etdiyi kimi, Moskva vəziyyəti sabitləşdirmək, o cümlədən şura üzvlərinin müzakirə etdiyi İran İslam Respublikası ilə münasibətlərin normallaşdırılması təşəbbüslərində maraqlıdır.

"Biz Körfəz regionundakı vəziyyəti müzakirə etdik. Biz bu səyləri tərəflərin maraqlı olduğu dərəcədə dəstəkləməyə hazırıq", - Lavrov mətbuat konfransında qeyd edib.