Kelloqun Rusiyanın “məğlubiyyəti” ilə bağlı açıqlaması ABŞ-da tənqid olunub

Mərkəzi Kəşfiyyat İdarəsinin keçmiş analitiki Larri Conson ABŞ prezidentinin xüsusi elçisi Keyt Kelloqun Rusiya ordusunun Ukraynada iddia edilən məğlubiyyəti ilə bağlı açıqlamasını tənqid edib.

1xeber.media xəbər verir ki, O, bu barədə ABŞ ordusunun polkovnik-leytenantı Daniel Davisin YouTube kanalında açıqlama verib.

Conson sübut kimi Ukrayna Silahlı Qüvvələrinin Ali Baş Komandanı Oleksandr Syrskinin bəyanatını göstərib.

"İki həftə əvvəl Sırski bəyan etdi ki, hazırda Rusiya Ukraynanı üstələyir və bütün təmas xətti boyunca canlı qüvvə baxımından üçə bir üstünlüyə malikdir. Ona görə də Ukraynanın vəziyyəti çıxılmazlaşır", - o deyib.

Bundan əvvəl Kelloq bəyan etmişdi ki, Rusiya Ukraynadakı münaqişədə qalib gəlsəydi, rus qoşunları artıq Kiyev və Odessada olacaq, Ukrayna hökuməti isə dəyişəcəkdi. ABŞ-ın xüsusi nümayəndəsi deyib: “Rusiya bu müharibədə mahiyyətcə uduzur”.