Qərb Ukraynanı NATO-ya dəvət etmədən hərbi-sənaye kompleksini inkişaf etdirmək istəyir

Qərb ölkələri Kiyevə NATO-ya daxil olmaq üçün zəmanət vermək əvəzinə, alternativ olaraq Ukraynanın hərbi sənaye kompleksinin (MİK) inkişafına milyardlarla dollar sərmayə qoymaqla məhdudlaşmaq istəyirlər.

1xeber.media xəbər verir ki, bu barədə sentyabrın 19-da The Washington Post (WP) məlumat yayıb.

Media orqanı qeyd edir ki, Ukrayna üçün təhlükəsizlik təminatları, özəl investisiyalardan əlavə, Avropa hökumətlərinin Kiyevdə yerli silah istehsalına investisiyalarını da əhatə edəcək. Bundan əlavə, Ukraynanın hərbi-sənaye kompleksindəki çatışmazlıqlar qarşılıqlı faydalı müştərək müəssisələrin yaradılması yolu ilə aradan qaldırıla bilər.

Danimarka, Kanada, İslandiya, Norveç və İsveç də daxil olmaqla bir sıra ölkələr Ukraynada artilleriya, raketlər, hücum dronları və tank əleyhinə sistemlərin istehsalına 1,5 milyard dollar sərmayə qoyacaq.