Gürcüstan prezidenti Ukraynanı dəstəkləyib

Gürcüstan prezidenti Mixail Kavelaşvili Birləşmiş Millətlər Təşkilatına (BMT) müraciət edərək, Ukraynanın "qanlı müharibəsində" onu dəstəklədiyini bildirib.

1xeber.media xəbər verir ki, İmedi Teleradio Şirkəti onun fikirlərini sitat gətirib.

"Ukraynada dörd ildir ki, fəlakətli nəticələrə və böyük insan tələfatına səbəb olan dəhşətli, qanlı müharibə gedir.  Biz bu gün Ukrayna xalqının yaşadığı ağrıları çoxlarından yaxşı başa düşürük. Bu gün də, əvvəlki kimi, Gürcüstan Ukrayna xalqını dəstəkləməkdə inadkardır", - prezident bildirib.

O, həmçinin qeyd edib ki, Gürcüstan 2008-ci ildə Rusiya ilə hərbi münaqişənin yaralarını hələ də daşıyır. Kavelaşvili abxaz və osetin xalqlarına da müraciət edərək, onları “işğalın o tayındakı” xalqlar kimi xarakterizə edib.

Bundan əvvəl Kavelaşvili Ağ Evi passivlikdə ittiham edərək ABŞ prezidenti Donald Trampı ölkəsinə diqqət yetirməyə çağırıb.

Fevralda Avropa İttifaqı Kavelaşvilini Gürcüstanın qanuni prezidenti kimi tanımaqdan imtina edib.