“Qələbə” müxalifət bloku Moldovada keçirilən seçkilərin nəticələrini tanımaqdan imtina edib

İlan Şorun rəhbərlik etdiyi “Qələbə” müxalifət bloku Moldovada bu yaxınlarda keçirilmiş parlament seçkilərinin nəticələrini tanımaq niyyətində deyil.

1xeber.media xəbər verir ki, bu barədə siyasi partiyanın sentyabrın 30-da yaydığı rəsmi məlumatda deyilir.

"Qələbə" bloku parlament seçkilərinin nəticələrini tanımır. Elan edilmiş rəqəmlər kütləvi pozuntuların, saxtalaşdırmaların və hakimiyyətin seçki prosesinə birbaşa müdaxiləsinin nəticəsidir", - blok özünün Telegram kanalında bildirib.

Nəşr qeyd edir ki, hakim qərbyönlü “Hərəkət və Həmrəylik” (PAS) partiyası hakimiyyətdə qalmaq üçün “həyasız və yaxşı planlaşdırılmış siyasi əməliyyat” həyata keçirib.