İsrail 42 gəmidən ibarət donanmanı saxladı

“Üfüq qalxanı” əməliyyatı zamanı İsrail Müdafiə Qüvvələri 42 gəmidən ibarət “Sumud” donanmasına nəzarəti tam təmin edib.

1xeber.media  xəbər verir ki, bu barədə İsrail ordusu məlumat yayıb. Bildirilib ki, əməliyyat 12 saat davam edib və məqsəd Qəzza zolağının dəniz blokadasının pozulmasının qarşısını almaq olub.

"İsrail Hərbi Dəniz Qüvvələrinin şəxsi heyəti Qəzza zolağının qanuni dəniz blokadasını pozmağa cəhd edən 42 gəmiyə yüzlərlə insanın minmək cəhdinin qarşısını alıb", - deyə məlumatda deyilir. 

Saxlanıldıqdan sonra bütün iştirakçılar Aşdod limanına aparılaraq polisə təhvil verilib.