Münhen hava limanı pilotsuz uçan aparatların hücumu səbəbindən bağlandıqdan sonra yenidən açılıb

Münhen hava limanı pilotsuz uçan aparatlarla müşahidələrə görə bir gecədə uçuşları dayandırdıqdan sonra fəaliyyətini bərpa edib.

1xeber.media xəbər verir ki, bu barədə oktyabrın 4-də hava limanının saytında məlumat verilib.

Oktyabrın 3-ü axşam saatlarında hava dispetçerləri pilotsuz təyyarə xəbərdarlığından sonra Münhen hava limanında gələn və gedən uçuşları dayandırıb.

"Dronların müşahidəsi ilə əlaqədar olaraq 2025-ci il oktyabrın 4-də uçuşların başlanması təxirə salınıb. Uçuşlar tədricən səhər saat 7:00-dan (Moskva vaxtı ilə 8:00 – red.) bərpa olunacaq", - nəşrdə qeyd olunub.