Alimlər günəş plazma buludunun Yerə yaxınlaşa biləcəyini irəli sürüblər

Oktyabrın 3-də baş verən günəş plazmasının atılması bu gün Yerə çata bilər.

1xeber.media xəbər verir ki, bu barədə oktyabrın 7-də Rusiya Elmlər Akademiyası Kosmik Tədqiqatlar İnstitutunun Günəş Astronomiyası Laboratoriyası və Rusiya Elmlər Akademiyasının Sibir bölməsinin Günəş-Yer Fizikası İnstitutu məlumat yayıb.

"Belə sərhəd hallarının hesablanması xüsusilə çətindir, lakin modelin bu hadisə üçün verdiyi proqnoz məhz budur: çoxdan unudulmuş buludun bu gün Yerə çatması gözlənilir", - laboratoriya öz Telegram kanalında yazıb.

Alimlər buludun yaxınlaşması səbəbindən geomaqnit hadisələri riskinin əhəmiyyətli dərəcədə artacağı barədə xəbərdarlıq ediblər. Laboratoriya qeyd etdi ki, əsas elmi maraq hesablamaların düzgün olub-olmamasıdır, çünki müsbət nəticə istifadə olunan hesablama metodlarının etibarlılığının lehinə mühüm arqument olacaqdır.