Əliyevin Putinə təbrik zəngi...

İlham Əliyevin Vladimir Putinə təbrik zəngi etməsi və Düşənbədə mümkün görüş xəbəri yaxşı əlamətdir.

1xeber.media xəbər verir ki, bunu rusiyalı politoloq Aleksey Naumov deyib.

“Dövlətlər, ümumiyyətlə, rasional aktor kimi, emosiyalara əsaslanaraq hərəkət etmir: onların üzərində qurulan siyasətlər qısamüddətlidir və bir qayda olaraq, zərərlidir. Məncə, qaçılmaz normallaşan münasibətdən sonra ən maraqlı sual “bu nə idi?” olacaq. Beynəlxalq siyasət kifayət qədər həyasız bir şeydir və kənar müşahidəçilərin “münasibətlər heç vaxt əvvəlki kimi olmayacaq” fikirləri onun üçün o qədər də vacib deyil. Baxın, böhranın ən kəskin mərhələlərində belə iqtisadi qarşılıqlı əlaqə necə davam edib və davam edir”, - o bildirib.