Putin Trampın Qəzza ilə bağlı təşəbbüslərinə cavab verib

1xeber.media xəbər verir ki, Rusiya prezidenti Vladimir Putin bəyan edib ki, Moskva ABŞ prezidenti Donald Trampın Qəzza zolağında münaqişənin həlli ilə bağlı təşəbbüslərinin həyata keçiriləcəyinə ümid edir.

“Biz çox ümid edirik ki, ABŞ prezidentinin bu təşəbbüsləri praktikada həyata keçiriləcək”, - Rusiya lideri bildirib.

Onun sözlərinə görə, Trampın Qəzzada sülh yolu ilə nizamlanması planı həm ərəb, həm də İslam dünyasında müsbət qarşılanıb.

Bundan əvvəl ABŞ prezidenti təklif etdiyi sülh planının birinci hissəsinin İsrail və Fələstinin radikal HƏMAS hərəkatının nümayəndələri tərəfindən imzalandığını bəyan edib. Trampın sözlərinə görə, Qəzza razılaşması İsrail qoşunlarının razılaşdırılmış xəttə çıxarılmasını və anklavda saxlanılan israilli girovların dərhal azad edilməsini nəzərdə tutur.