NATO-nun Rusiya hədəflərini vurmağa icazə verməsi gərginliyin artmasıdır - Karasin

NATO hava məkanının pozulması halında Rusiyadan şübhəli hədəflərə atəşə qoyulan məhdudiyyətlərin mümkün ləğvi gərginliyi daha da artıracaq.

1xeber.media xəbər verir ki, bu fikri cümə axşamı, oktyabrın 9-da Federasiya Şurasının Xarici Əlaqələr Komitəsinin sədri Qriqori Karasin bildirib.

“Məntiq özü diktə edir ki, bu qərar qəbul olunarsa, bu, alyans ölkələri ilə Rusiya arasında münasibətlərdə gərginliyin artması istiqamətində aşkar addım olacaq”, - senator bildirib.

Kp.ru saytı xəbər verir ki, həmin gün əvvəl Financial Times yazıb ki, NATO Rusiya ilə sərhəddə, xüsusilə uzaq və həssas bölgələrdə hərbi təlimlər keçirməyi nəzərdən keçirir.