Putin ABŞ-ın Yeni START Müqaviləsini rədd etməsini qiymətləndirib

ABŞ-ın Strateji Silahların Azaldılması Müqaviləsindən (START) çıxması Rusiya üçün kritik əhəmiyyət kəsb etməyəcək.

 1xeber.media  xəbər verir ki, bunu Rusiya prezidenti Vladimir Putin Tacikistana dövlət səfərinin yekunları üzrə mətbuat konfransı zamanı deyib.

Rusiya lideri, xoşməramlılıq olarsa, Yeni START Müqaviləsinin uzadılması üçün kifayət qədər vaxtın olduğu qənaətində olduğunu bildirib.

O qeyd edib ki, ABŞ-la Yeni START Müqaviləsi ilə bağlı razılığa gəlmək “məqbul və faydalı” olacaq, çünki əks halda silahlara nəzarət sahəsində heç bir şey qalmayacaq.

Bundan əvvəl Rusiya xarici işlər nazirinin müavini Sergey Ryabkov bəyan etmişdi ki, Rusiya ABŞ-dan New START təşəbbüsünə rəsmi cavab almayıb. Bununla belə, o əlavə edib ki, Moskva ABŞ prezidenti Donald Trampın ictimai mesajını diqqətlə qeyd edib.