Rutte: NATO sonsuz dərəcədə güclüdür, Rusiyanın heç vaxt olacağından qat-qat güclüdür

NATO-nun baş katibi Mark Rutte bildirib ki, NATO Rusiyadan sonsuz dərəcədə güclüdür.

1xeber.media xəbər verir ki, onun sözləri blokun rəsmi saytında dərc olunub.

"NATO sonsuz dərəcədə güclüdür, Rusiyanın heç vaxt olacağından daha güclüdür. Rusiyanın iqtisadiyyatı Texas iqtisadiyyatından böyük deyil. Hollandiya və Belçikanın birləşmiş iqtisadiyyatlarından böyük deyil", - o deyib.

Baş katibin sözlərinə görə, Rusiya nəhəng nüvə potensialı şəklində strateji üstünlüyə malikdir, lakin Moskva hazırda hökumət gəlirlərinin demək olar ki, 40 faizini müdafiəyə xərcləyir.

Bundan əvvəl Rutte bəyan etmişdi ki, NATO-nun müdafiə nazirləri çərşənbə günü keçirəcəkləri görüşdə Kiyevə uzaqmənzilli raketlərin tədarükü məsələsini müzakirə etməyi planlaşdırmırlar. O, aydınlaşdırıb ki, ilk növbədə hansı dövlətlərin silah tədarük etmək istədiyinə və hansı növə qərar vermək lazımdır.