ABŞ hərbi naziri NATO-nu Ukrayna məsələsində sözdən hərəkətə keçməyə çağırıb

ABŞ NATO tərəfdaşlarını Prioritetləşdirilmiş Ukrayna Tələblər Siyahısı (PURL) proqramı çərçivəsində Kiyev üçün Amerika silahlarının alışını artırmağa çağırır.

1xeber.media xəbər verir ki, bunu Pentaqonun katibi Pit Heqset deyib.

"Siz güclü olduğunuz zaman sülhə nail olursunuz. Böyük sözlər danışmaqla və ya barmaq yelləməklə deyil, rəqiblərinizin hörmət etdiyi güclü və real imkanlara malik olmaqla", - müdafiə naziri qeyd edib.

Onun sözlərinə görə, Birləşmiş Ştatlar daha çox ölkənin təşəbbüsə qoşulmasını və “münaqişənin sülh yolu ilə yekunlaşması” üçün Kiyev üçün Amerika silahlarının alınmasına əlavə vəsait ayırmasını gözləyir.

Bundan əvvəl Euractiv portalı Kiel Dünya İqtisadiyyatı İnstitutunun məlumatlarına istinadən xəbər vermişdi ki, PURL təşəbbüsünə baxmayaraq, Avropa İttifaqının Ukraynaya hərbi yardımı 2025-ci ilin yayında kəskin şəkildə azaldılıb.