İki siyahı var: Biri “beşinci kolon”, digər isə Ramiz Mehdiyev...

“Bu gün KİV-də iki siyahı  var: biri “beşinci kolon” adlandırılan siyahıdır, digəri isə Ramiz Mehdiyevin “tərəfdarları” tərəfindən yayılmış siyahıdır və orada “xəyanətkarlar və keçmiş tərəfdarlar” barəsində kompromatla hədələmələr var”.

1xeber.media  xəbər verir ki, bu fikirləri sabiq xarici işlər naziri, politoloq Tofiq Zülfüqarov deyib.

Onun sözlərinə görə, kimin hansı tərəfdə olmasından asılı olmayaraq, qarşıdurma qruplarının mövcudluğu və onların strukturlaşdırılması qarşıdurmanın formallaşması deməkdir:

“Bu baxımdan, xatırlatmaq istərdim ki, ehtimal olunan “xüsusi hərbi əməliyyatın” maraqlı tərəfləri bu qarşıdurmadan mütləq şəkildə öz məqsədləri üçün istifadə etməyə çalışacaqlar ki, “iştirakçılar” vasitəsilə ölkəmizdə vətəndaş həmrəyliyini və ictimai konsolidasiyanı pozmağa davam etsinlər.

Xarici maraqlı tərəflər üçün kimin kimi “məğlub edəcəyi” tamamilə fərq etmir — onların məqsədi xaos yaratmaq və ya heç olmasa qarşıdurmanı formalaşdırmaq və dərinləşdirməkdir.

Lakin artıq bu gün belə görünür ki, bu “layihə” uğursuzluğa məhkumdur”.