Ramiz Mehdiyevin qızından ölkədən çıxışa qadağa ilə bağlı AÇIQLAMA

Xəbər verdiyimiz kimi, Prezident Aministrasiyasının sabiq rəhbəri, akademik Ramiz Mehdiyevin və bütün ailə üzvlərinin ölkədən çıxışına məhdudiyyət qoyulub.

Məlumata görə, onun həyat yoldaşı Qalina Mehdiyeva, oğlu Timur Mehdiyev və qızı Kamilə Əliyeva ölkədən kənara çıxa bilmirlər. Bundan başqa, sabiq administrasiya rəhbərinin kürəkəni, keçmiş deputat İlham Əliyev barəsində də oxşar qərar verilib.

1xeber.media xəbər verir ki,“Yeni Sabah” məlumatı dəqiqləşdirmək üçün R.Mehdiyevin qızı, Bakı Dövlət Universitetinin Sosial və pedaqoji psixologiya kafedrasının müdiri, psixologiya elmləri doktoru, professor Kamilə Əliyeva ilə əlaqə saxlayıb.

O, zəngə cavab versə də sualları cavablandırmaqdan imtina edib.

“Mən bu barədə heç nə danışmaq istəmirəm”, - R.Mehdiyevin qızı bildirib.