Putin danışıqların mümkünlüyünü rədd etdi, Moskvanın strategiyası uğursuzluğa məhkumdur" - Starmer

Emmanuel Makronun ardınca İngiltərənin baş naziri Keir Starmer Londonda “istəklilər koalisiyası”nın iclasında çıxış edib.

1xeber.media xəbər verir ki, o, Rusiya lideri Vladimir Putini son günlər danışıqların mümkünlüyünü rədd etməkdə ittiham edib.

“Əvəzində o, Ukrayna torpaqları üçün zorla ələ keçirə bilməyəcəyi gülünc tələblər irəli sürür”, - Britaniyanın baş naziri əlavə edib.

Starmer bunu "uğursuzluğa məhkum" elan edərək, Putinin mülki əhalini və enerji infrastrukturunu hədəf aldığını əlavə edib.