Lavrov və Misir Xarici İşlər Nazirliyinin rəhbəri birgə çağırış ediblər

1xeber.media xəbər verir ki, Rusiyanın xarici işlər naziri Sergey Lavrov və misirli həmkarı Bədr Abdel Ati telefon danışığı zamanı Suriyada terror təhlükəsinin yayılmasının yolverilməzliyini qeyd ediblər. Müvafiq mesaj dekabrın 4-də Rusiya Xarici İşlər Nazirliyinin saytında dərc olunub.Tərəflər ölkədəki kəskin eskalasiyadan ciddi narahat olduqlarını bildiriblər.

“SAR-ın  suverenliyi, birliyi və ərazi bütövlüyünə dəstək təsdiqləndi. Bütün regionda sabitliyin pozulması ilə nəticələnə biləcək terror təhlükəsinin yayılmasının qarşısının alınmasının vacibliyi vurğulanıb”, - deyə məlumatda bildirilir.

Bundan əlavə, nazirlər Fələstin-İsrail münaqişəsini müzakirə edib və Qəzza zolağında tezliklə atəşkəs əldə olunmasının, həmçinin Fələstin probleminin beynəlxalq səviyyədə həllinin vacibliyini qeyd ediblər.Bundan əlavə, Rusiya-Misir əməkdaşlığının inkişaf perspektivləri və istiqamətləri müzakirə edilib, tərəflər siyasi dialoqun davam etdirilməsində, ticarət-iqtisadi və humanitar əlaqələrin dərinləşdirilməsində maraqlı olduqlarını bildiriblər.