Moskvada Sənaye və Ticarət Nazirliyinin şöbə müdiri saxlanılıb

Rusiya Sənaye və Ticarət Nazirliyinin Yanacaq-energetika kompleksi (YEK) üzrə Maşınqayırma Departamentinin direktoru Mixail Kuznetsov saxlanılıb.

1xeber.media xəbər verir ki, bu barədə cümə günü, noyabrın 7-də RİA Novosti idarənin fəaliyyəti ilə tanış olan mənbəyə istinadən məlumat yayıb.

“Bəli, Yanacaq-energetika kompleksi üzrə maşınqayırma departamentinin direktoru Mixail Kuznetsov saxlanılıb”, - mənbə nəşrə təsdiqləyib.

Kuznetsovun 2022-ci ilin dekabrından Sənaye və Ticarət Nazirliyində çalışdığı bildirilir.

Bundan əvvəl FSB-nin Kalininqradda tibbi-sosial ekspertiza bürosunun rəhbərini saxladığı bildirilirdi. 65 yaşlı qadın vəzifə səlahiyyətlərindən sui-istifadədə ittiham olunub. Sözügedən ittihamlar işçilərə rəsmi olaraq mükafat olaraq ödənilən üç milyon rubldan çox pulun alınması ilə bağlı idi.