Rusiyadan gözlənilməz bəyanat: Bakı buna görə razılaşdı...

Bu ilin noyabr ayında Azərbaycan və Gürcüstan ərazisindən yeni açılan dəmir yolu marşrutu ilə ölkəmizdən Ermənistana buğda tədarükü qısa müddətdə təşkil olunub.

1xeber.media xəbər verir ki, bu barədə Rusiya Xarici İşlər Nazirliyinin bəyanatında deyilir.

“İlk yük bu il noyabrın 6-na keçən gecə gəlib. Biz xüsusi vurğulayırıq ki, bu tədbir regional kommunikasiyaların blokdan çıxarılması üzrə Üçtərəfli İşçi Qrupu çərçivəsində həyata keçirilən səylər və 2020-2022-ci illərdə Rusiya, Ermənistan və Azərbaycan liderləri arasında əldə edilmiş razılaşmalar nəticəsində mümkün olub.

Adları çəkilən Cənubi Qafqaz respublikaları (Azərbaycan və Ermənistan nəzərdə tutulur - red.) arasında münasibətlərin normallaşdırılmasında iştirak edərkən Rusiya ardıcıl olaraq onların suveren milli maraqlarını rəhbər tutur. Qərbin vasitəçilik səyləri isə hələ zamanın sınağından çıxmayıb”, - bəyanatda qeyd edilib.