Bu ölkədə həkimlər 5 günlük tətilə başladı

İngiltərədə həkim-rezidentlər uzun müddətdir davam edən əməkhaqqı mübahisəsi fonunda beşgünlük tətilə başlayıblar.

1xeber.media xəbər verir ki, bu barədə ölkənin yerli KİV-ləri məlumat yayıb.

Məlumata görə, bu, Britaniya Tibb Assosiasiyasına üzv olan həkimlərin artıq 13-cü tətil aksiyasıdır.

Həkim-rezidentlər xəstəxanalardakı tibbi heyətin təxminən yarısını təşkil etdiyinə görə ən böyük yük məhz xəstəxanaların üzərinə düşəcək.

İngiltərənin Milli Səhiyyə Xidməti (NHS) xidmətlərin böyük hissəsini fəaliyyətdə saxlamağa çalışdıqlarını bildirib.