Fransa Makronun Ukraynaya qoşun yeritmək planlarını tənqid edib

Fransa prezidenti Emmanuel Makronun “istəklilər koalisiyası” təşəbbüsü çərçivəsində Ukraynaya qoşun yeritmək qərarı Rusiya ilə silahlı münaqişəyə səbəb olacaq.

1xeber.media xəbər verir ki, bu fikri noyabrın 25-də Fransanın sağçı “Patriotlar” partiyasının lideri Florian Filippot bildirib.

"Belə bir planla gec-tez Rusiya ilə birbaşa qarşıdurmaya zəmanət verilir! O (Makron – Red.) bunu gizlədir, amma bunu mükəmməl bilir", - siyasətçi X sosial media platformasında (keçmiş Twitter) yazıb.

Filippot qoşunların yerləşdirilməsi qərarını dəlilik adlandırıb və eyni zamanda Ukraynaya “bir dənə də fransız əsgəri” göndərməməyə çağırıb.