Derbi öncəsi “Qalatasaray”ın ulduzu Mauro İkardiyə ŞOK

“Qalatasaray”ın ulduzu Mauro İkardi ilə bağlı derbi qarşılaşması ərəfəsində diqqətçəkən iddia gündəmə gəlib.

1xeber.media-nın xəbərinə görə, İkardinin keçmiş həyat yoldaşı Vanda Naraya aliment borcunun olduğu və bu durumun futbolçuya mənfi təsir göstərə biləcəyi bildirilib.

Belə ki, jurnalist Guido Zaffora “Amerika TV”də yayımlanan proqramda rəsmi olduğunu iddia etdiyi sənədləri təqdim edərək deyib:

“İkardi rəsmi şəkildə borclu valideyn statusuna keçib”.

Sənədlərə əsasən, Mauro İkardi 2024-cü ilin noyabr və dekabr ayları, həmçinin 2025-ci ilin yanvar və fevralına aid aliment ödənişlərini etməyib.

Proqramın aparıcısı Mariana Fabbiani daha əvvəl futbolçunun bir evinə qoyulan həbs qərarının onu “borclu kimi görünməkdən” xilas edib-etməyəcəyi ilə bağlı sual ünvanlayıb.

Zaffora suala belə cavab verib:

“Həbs qərarı qüvvədədir, amma bu, tamam başqa məsələdir. Mauronun hazırda 600 min dollar borcu var”.

Jurnalist əlavə edib ki, Vanda Sara vəkillərinə açıq göstəriş verib:

“Vandanın tapşırığı qətidir: Hər şey üçün məhkəməyə müraciət edin, bütün borcu faizləri ilə birlikdə alın”.

Proqramda iştirak edən hüquqşünas Cesar Carossa isə vəziyyəti belə izah edib:

“Bu borc Vandaya deyil, uşaqlarına aiddir. Vanda sadəcə olaraq onların hüquqi nümayəndəsidir”.

Aparıcı Fabbianinin “Mauro İkardi Argentinaya gəlsə, ölkədən çıxa bilməz?” sualına Carossa belə cavab verib:

“Bəli, çıxa bilməz”.

Mauro İkardi isə bazar ertəsi Kadıköydə “Fənərbağça”ya qarşı keçiriləcək derbi görüşünə fokuslanıb və yayılan iddialarla bağlı hələlik açıqlama verməyib.