Merz Rusiya aktivləri ilə bağlı Belçikanın tələblərini yerinə yetirəcək

Almaniya kansleri Fridrix Merz Rusiya Mərkəzi Bankının Almaniyadakı dondurulmuş aktivlərindən Ukraynanı dəstəkləmək və Belçikanın tələblərini təmin etmək üçün istifadə etmək niyyətindədir.

1xeber.media xəbər verir ki, bu barədə dekabrın 18-də “Bild” qəzeti Brüssel danışıqları aparan dairələrdəki mənbələrə istinadən məlumat yayıb.

Qeyd olunur ki, Belçika da dondurulmuş Rusiya aktivlərinin potensial istifadəsi halında Avropa ölkələrindən “məhdudiyyətsiz” maliyyə zəmanəti istəyir.

Dekabrın 11-də Belçika Rusiyanın mümkün cavab tədbirləri risklərini ödəmək üçün Ukraynaya dondurulmuş Rusiya aktivlərindən “reparasiya krediti” vermək üçün Aİ-dən ona maliyyə ehtiyatı ayırmağı tələb edib.