İran İraqa qaz nəqlini tamamilə dayandırıb

1xeber.media xəbər verir ki, İraqın İNA xəbər agentliyi bildirib ki, İran İraqın elektrik stansiyalarına qaz tədarükünü dayandırıb, nəticədə 4500 meqavat elektrik enerjisi itkisi baş verib.

"İran qazının axını tamamilə dayanıb və generator bloklarının dayanması və enerji bloklarında yükün azalması səbəbindən elektrik şəbəkəsi 4000-4500 meqavat arasında enerji itirir ki, bu da enerji təchizatının saatlarına təsir edib", - İraqın Elektrik Enerjisi Nazirliyinin sözçüsü Əhməd Musa deyib.

Musanın sözlərinə görə, ixracın dayandırılması ilə bağlı bildiriş İrandan rəsmi teleqram şəklində gəlib.