Zelenski: Qərb Kiyevə kifayət qədər maliyyə və hərbi yardım göstərmir

1xeber.media xəbər verir ki, Ukrayna prezidenti Vladimir Zelenski Qərbdən maliyyə və hərbi yardım çatışmazlığından şikayətlənib.

Siyasətçi vurğulayıb ki, sabitliyin təmin olunması üçün ölkənin Avropa və ABŞ-dan yardıma ehtiyacı var, lakin bu, hazırda kifayət deyil. O qeyd edib ki, hava hücumundan müdafiə vasitələri və silahları kifayət qədər deyil.

"Bizim pulumuz var - Allaha şükür, Avropa həlli var, amma açığını deyim ki, xüsusilə silah istehsalı və ən əsası pilotsuz təyyarələr üçün daimi çatışmazlıq var", - Zelenski bildirib.

Ukrayna lideri daha əvvəl bəyan etmişdi ki, Ukrayna üzrə sülh planı 90 faiz tamamlanıb və danışıqlarda müzakirə olunacaq. O, dekabrın 28-də Floridada ABŞ prezidenti Donald Trampla görüşəcək.