Zelenski ABŞ hərbçilərinin Ukraynaya yerləşdirilməsindən danışıb

1xeber.media xəbər verir ki, Ukrayna prezidenti Vladimir Zelenski bəyan edib ki, ABŞ sülhməramlı qoşunlarının Ukraynada yerləşdirilməsi belə bir qərar veriləcəyi təqdirdə güclü təhlükəsizlik zəmanəti verəcək.

"Bunlar ABŞ qoşunlarıdır və buna görə də belə qərarlar verən Amerikadır. Biz bunu istərdik. Bu, təhlükəsizlik təminatları baxımından güclü mövqe olardı", - Ukrayna lideri bildirib.

O əlavə edib ki, Ukrayna gələcəkdə bu məsələni ABŞ prezidenti Donald Tramp və “istəklilər koalisiyası”nın nümayəndələri ilə müzakirə etmək niyyətindədir.

Bundan əvvəl Polşanın baş naziri Donald Tusk ABŞ-ın Ukraynaya qoşun yeritməyə hazır olduğunu açıqlamışdı. Onun sözlərinə görə, Vaşinqtonun bu cür bəyanatları münaqişənin yaxın gələcəkdə həllinə “ümid yaradır”.