"Real Madrid" baş məşqçisini istefaya göndərdi

"Real Madrid" ispaniyalı Xabi Alonsonun baş məşqçi vəzifəsindən azad edildiyini açıqladı.

1xeber.media xəbər verir ki, bu barədə komandanın saytında məlumat verilib.

Qərar qarşılıqlı razılaşma əsasında qəbul edilib. Klub məşqçiyə işinə görə təşəkkür edib və ona uğurlar arzulayıb.

Alonso baş məşqçi vəzifəsinə 2025-ci ilin may ayında başlayıb. Onun müqaviləsi 2028-ci ilin iyun ayına qədər davam edib.

Bundan əvvəl Alonso "Bayer Leverkuzen"i çalışdırıb. Onun rəhbərliyi altında klub Bundesliqanı, Almaniya Kubokunu və Almaniya Super Kubokunu qazanıb. Oyunçu kimi Alonso 2009-cu ildən 2014-cü ilə qədər "Real Madrid"də oynayıb.