Viktor Orban Donald Trampla görüşüb

Macarıstanın baş naziri Viktor Orban ABŞ-ın yeni seçilmiş prezidenti Donald Trampla görüşüb.

1xeber.media xəbər verir ki, bu barədə Orban sosial şəbəkələrdə məlumat yayıb.

Orbanın sözlərinə görə, görüş Trampın Mar-a-Laqodakı iqamətgahında baş tutub.

“Bu gün ABŞ. Gələcək başladı”, – Orban sosial şəbəkədə yazıb.Orbanın sözlərinə görə, Donald Trampdan başqa Orban İlon Mask və Maykl Valsla da görüşüb. Milyarder İlon Maskı Donald Tramp yeni Hökumətin Effektivliyi Departamentinin rəhbəri təyin edib, Maykl Vals isə milli təhlükəsizlik üzrə müşaviri hesab edilir.