Rosqvardiya generalı hərbi formalarla bağlı fırıldaqçılıqda ittiham olunaraq yenidən məhkum edilib

1xeber.media  xəbər verir ki, Moskva Hərbi Qarnizon Məhkəməsi Rusiya Milli Qvardiyasının keçmiş direktor müavini Sergey Mileykonu dövlət müqavilələri ilə bağlı saxtakarlıq əməllərinə görə yeddi il müddətinə azadlıqdan məhrum edib.

Mileyko həmçinin 880.000 rubl məbləğində cərimə olunub. İş üzrə ikinci təqsirləndirilən şəxs, "Spetsshveysnab" firmasının baş direktoru İqor Şalnov isə 6,5 il müddətinə azadlıqdan məhrum edilib və 500.000 rubl məbləğində cərimə olunub.

Müstəntiqlərin sözlərinə görə, iki il yarım ərzində Mileyko və Rusiya Milli Qvardiyasının digər yüksək vəzifəli şəxsləri "Spetsshveysnab" ilə 3,6 milyard rubldan çox dəyərində müqavilələr imzalayıblar. Bəzi hesablamalara görə, 338 milyon rubl oğurlanıb.

2021-ci ilin iyul ayında Mileyko həyat yoldaşının gözəllik salonunu ələ keçirmək üçün saxtakarlıq sxeminə görə altı il müddətinə azadlıqdan məhrum edilib.