Tramp xarici liderlərdən birini "qubernator" adlandırdı və böyük tariflərlə hədələdi

ABŞ prezidenti Donald Tramp Kanadanın Baş naziri Mark Karnini "Qubernator" adlandırdı və Kanadaya 100% tarif tətbiq etməklə hədələdi.

1xeber.media xəbər verir ki, Amerika liderinin bəyanatı sosial media platforması Truth Social-da dərc edilib.

O yazıb: "Əgər qubernator Karni Kanadanı Çindən ABŞ-a göndərilən mal və məhsullar üçün "eniş nöqtəsi" edə biləcəyini düşünürsə, çox yanılır".

Amerika lideri əlavə edib ki, əgər Kanada hakimiyyəti Çinlə ticarət razılaşmasına nail olarsa, Kanadadan ABŞ-a gələn bütün mallar dərhal 100% tariflərə məruz qalacaq.

Daha əvvəl Tramp Avropa ölkələri ABŞ istiqrazlarını boşaltmağa başlayarsa, onlara qarşı sərt cavab tədbirləri görməyə hazır olduğunu bəyan etmişdi. "Bütün kartlar bizdədir", o vurğulayıb.