Rusiya ABŞ-ın Kubadan gələn təhdidlərlə bağlı açıqlamalarına münasibət bildirib

1xeber.media xəbər verir ki, Federasiya Şurasının sədr müavini Konstantin Kosaçev özünün Telegram kanalında bildirib ki, ABŞ-ın Kubadan gələn təhdidlər iddiaları absurddur.

O, ABŞ-ın planetin ən varlı ölkəsi, Kubanın isə 11 milyon əhalisi olan kiçik bir ada olduğunu qeyd edib. O, Havananın heç bir şəkildə Vaşinqtonu təhdid edə bilməyəcəyini və ABŞ-ın respublikaya təhdidinin onilliklərdir davam etdiyini iddia edib.

Senator həmçinin əmin olduğunu bildirib ki, ABŞ hökuməti dəyişdirmək üçün Kubanın çətinliklərindən istifadə etməyə çalışır.

Bir müddət əvvəl ABŞ prezidenti Donald Tramp ABŞ-da fövqəladə vəziyyət elan edən sərəncam imzalayıb. Ağ Evin saytında dərc olunan sənədə görə, bu qərar Kubanın yaratdığı milli təhlükəsizlik təhdidi səbəbindən verilib.