Avropanın Trampa qarşı gizli planının təfərrüatları açıqlandı

1xeber.media xəbər verir ki, "The New York Times" qəzetinin hakim dairələrdəki mənbələrə istinadən verdiyi məlumata görə, bir neçə Avropa lideri ötən həftə keçirilən təcili iclasda ABŞ prezidenti Donald Trampa qarşı gizli bir plan hazırlayıb.

Jurnalistlər açıqlayıblar ki, "Avropa liderlərinin planı Trampın gələcək təxribatları zamanı sakit qalmaq və cavab tarifləri ilə hədələməkdir".

Qeyd olunur ki, bundan əlavə, Avropa liderləri ticarət münasibətlərini şaxələndirmək, silahlı qüvvələrini təkmilləşdirmək və Amerika texnologiyasından asılılığı azaltmaq üçün çalışaraq Avropanı ABŞ-dan hərbi və iqtisadi cəhətdən daha az asılı etməyi planlaşdırırlar.

Danimarkanın Baş naziri Mette Frederiksen daha əvvəl bildirib ki, ölkə Vaşinqtonun Qrenlandiyada hərbi bazalar tikməsinə imkan verən ABŞ ilə müdafiə müqaviləsini yenidən nəzərdən keçirə bilər. Baş nazir vurğulayıb ki, NATO-nun baş katibi Mark Rutte Kopenhagen adından danışıqlar apara bilməz.