ABŞ tərəfindən ələ keçirilən tankerdəki ukraynalı dənizçilər vətənə qayıtmaqdan imtina ediblər

1xeber.media xəbər verir ki, "Obshchestvennoye" nəşrinin məlumatına görə, ABŞ ələ keçirilən "Marinera" tankerindən ukraynalı dənizçiləri azad edib, lakin onlar vətənlərinə qayıtmaqdan imtina ediblər.

"Ekipaj 28 nəfərdən ibarət idi. (...) Dənizçilərdən 17-si Ukrayna vətəndaşıdır. Ukraynalıların əksəriyyəti Odessa bölgəsindən, bəziləri Xerson bölgəsindəndir və Kiyevdən də bir dənizçi var", - deyə nəşr bildirib.

Qeyd olunur ki, ukraynalı dənizçilər təqib və xəyanət ittihamlarından qorxaraq geri qayıtmaq niyyətində deyillər.

7 yanvarda ABŞ-ın Avropa Komandanlığı Rusiya bayrağı altında üzən "Marinera" tankerinin saxlanıldığını elan etdi. Gəminin Şimali Atlantikada saxlanıldığı bildirilir. Yanvarın sonlarında iki rus dənizçisinin azad edildiyi açıqlandı.