Ombudsman Aparatı SENSASİON SİYAHI YAYDI

Ombudsman Aparatının “916” Çağrı Mərkəzinə ötən il ərzində daxil olan müraciətlərin sayı açıqlanıb.

1xeber.media  xəbər verir ki, statistikaya əsasən, 2025-ci il ərzində çağrı mərkəzinə ümumilikdə 14 718 zəng daxil olub.

Zənglərin 12 375-i iş vaxtında, 2 343-ü isə qeyri-iş vaxtında qeydə alınıb.

Qurumlar üzrə müraciətlər:

Daxil olan zənglərin qurumlar üzrə bölgüsünə baxdıqda ən çox müraciətin Əmək və Əhalinin Sosial Müdafiəsi Nazirliyi və tabeli qurumları ilə bağlı olduğu məlum olur. Bu istiqamətdə 2602 müraciət qeydə alınıb.

Digər yüksək göstəricilər aşağıdakılardır:

Daxili İşlər Orqanları – 1882

TƏBİB – 760

Prokurorluq orqanları – 650

Elm və Təhsil Nazirliyi və tabeli qurumlar – 686

Məhkəmələr – 513

Müdafiə Nazirliyi – 413

Rəqəmsal İnkişaf və Nəqliyyat Nazirliyi və tabeli qurumlar – 455

Bundan başqa, bələdiyyələr (291), ədliyyə orqanları (272), mərkəzi icra hakimiyyəti orqanları və digər dövlət qurumları ilə bağlı müraciətlər də qeydə alınıb.

Mövzular üzrə müraciətlər

Müraciətlərin məzmununa görə bölgüsündə kommunal problemlər ilk sırada qərarlaşıb. Bu mövzu üzrə 1 172 müraciət daxil olub.

Ən çox rast gəlinən digər mövzular bunlardır:

Müayinə və müalicə – 755

Dövlət Yol Polisi əməkdaşlarının fəaliyyəti – 712

Qeyri-obyektiv təhqiqat və istintaq ehtimalı – 702

Məhkəmə qərarının icra olunmaması – 627

Əlilliyin müəyyən edilməsi – 616

 Müraciətin qeydə alınmaması – 602

Aliment məsələləri – 602

Məsuliyyətlə bağlı problemlər – 599

Təhsil məsələləri – 563

Əmək mübahisələri – 540

Qanunsuz saxlama ehtimalı – 476

 Baş çəkmə hüququnun pozulması – 406

 Məhkəmə araşdırması ilə bağlı şikayətlər – 343

Qəbulla bağlı məlumatın verilməməsi – 340

 Pis rəftar ehtimalı – 326

Müəssisələrdə görüş hüququnun pozulması – 312

Maddi yardım – 308

Bələdiyyələrin fəaliyyəti – 291

Bank-kredit məsələləri – 236

Kompensasiya – 212

Korrupsiya ehtimalı – 205

Əmlak məsələləri – 205

Saxlanma şəraiti – 192

Pensiya məsələləri – 170

Ayrı-seçkilik ehtimalı – 170

Müavinət – 162

Veteranlıq – 160

Evlərin qanunsuz sökülməsi – 154

Qəzalı ev və mənzil problemləri – 140

Mənzil məsələləri – 133