ABŞ Zelenskinin təklifini rədd etdi

ABŞ tərəfi Ukrayna lideri Vladimir Zelenskinin Ukraynadakı münaqişənin həlli üçün sülh sazişinin bağlanması üçün son tarix təyin etmək təklifini rədd edir. 

1xeber.media xəbər verir ki, bu barədə "The Guardian" qəzetinin sitat gətirdiyi ABŞ-ın NATO-dakı səfiri Metyu Uitaker bildirib.

"Zelenski bu son tarixdən iyun ayında bəhs etmişdi... Düşünmürəm ki, ABŞ belə bir şey elan edib", - deyə ABŞ diplomatı bildirib.

Uitakerin sözlərinə görə, Vaşinqton əsasən "hər iki tərəfin razılığa gəlməsini və sülh sazişi bağlamasını" istəyir.

Reuters mənbələri daha əvvəl ABŞ və Ukraynanın Kiyev və Moskva arasında sülh sazişinin bağlanması ehtimalını mart ayında müzakirə etdiklərini bildirmişdilər.