ANS-in “Böyük Seva”sı: "Bir həftədir xəstəxanadayam..."

Yaxın günlərdə Bakı Neyrocərrahiyyə Mərkəzində ağır beyin əməliyyatı keçirən, hər kəsin ANS telekanalından “Böyük Seva” kimi tanıdığı jurnalist Sevda Həsənovanın müalicəsi davam etdirilir.

1xeber.media xəbər verir ki, bu barədə Musavat.com-a jurnalistin özü məlumat verib:

“Bir həftədir xəstəxanadayam. Dünən də reanimasiyada idim. Şükürlər olsun, yaxşılaşıram. Maraqlanan hər kəsə təşəkkür edirəm”.

Xatırladaq ki, Sevda Həsənova 1994-cü ildən ANS-də çalışıb. O, ötən illər ərzində telekanalda bir sıra vəzifələrdə fəaliyyət göstərib.